Dezember

D Adventsziit het jo da Johr nöd im Dezember agfange, trotzdem isch de Dezember de Adventsmonät. Chalt, am liebschte wiis und aifach gmüetlich, chli musig und liechtli. So willi Advent ha und so isches au do obe :) I dä schuel i dä schwiiz isch de Advent maischtens au chli stressig will alli no d Prüefige vorem Wiehnachtskonzert wönd iequetsche. Do isch chli anderscht :) Projektwuchene hend scho am 3.12 agfange und drum hani aich det scho Ferieafang ka J wäret de projektwuche hemmer chli chemie und physik praktika gha :)

Au bi andere sache isch de Advent do chli anderscht. Z mitzt ine isch nämli e Fescht (Lucia) und zwor am 13. mer chas sich da am beschte wie e Wiehnachtskonzert i dä schwiiz vorstelle. I allne Schuele hends da. Alli im Chor sind wiis aglait und ai maitli het d Ehr und dörf d Lucia sii, da haisst en Chranz mit Cherze ufm Chopf träge und de Mittelpunkt sii (dä Cherzewachs tropft genau id Hoor.. haha)

Susch isch nöd viel speziells los gsi die Adventsziit (oder i ha s Gfühl isch nöd speziell J)

Am 19.12 hani den min letschte Match ka do z Schwede. Halbfinal im Stockholmcup

Mir hend gwunne, i ha schlecht gspilt. Jenu..

Am 20.12 am Obig hemmer scho chli Wiehancht gha mit paarne womer a hailig Obig nöd gsend. Und am 12 idä Nacht simmer den id Feri gfahre :) Richtig Schnee, richtig Berge, richtig °Are!!! Ha mi riesig gfreut

Noch 8h Zug (Liegewage :)) simmer den aacho. Suuper Huus, suuper Schnee, suuper Wetter!! 2 Wuche do obe sind vor mir gstande und i ha mit viel Vorfreud drufgluegt

Döt hets vor allem ghaisse Snowboarde, aber au Skifahre (noch acht Johr wiedermol), langläufle (für s erscht mol), id Sauna hocke, schlittle, relaxe, spiili mache, zämähocke und läsä.

Und dän isch scho de 24. gsi. De Tag wo do gfiiret wird. Am Morge sind d Eltere und Onkel, Tante is Zimmer cho und hend gsunge, den hemmer z morge gesse (chli speziell natürli), paar Gschenkli ufgmacht und den simmer no go langläufle alli zämä.

Am Obig den schöö esse, wieder Gschenkli, singe, zämähocke. Es isch wunderbar gsi.. aber irgendwie hanis nöd ganz realisiert das Wiehnacht gsi isch.. Scho andersch imene andere Land, ohni di richtig Famili. Aber ebe glich wunderschöö

Am 25. am morge am 7ni simmer den id Chirche, isch aber me singe gsi als öpis anders.

Nochr isch wieder wiitergange mit boarde und tue und am 28.12 isch Kollegin vode Mannschaft ufe cho :) isch super gsii mit ihre chli uf Pischte.

Den isch scho Silvester gsi. Am Obig wieder schö Esse (i ha Ämtli choche ka J) den en Jahresrückblick vo jedem ainzelne mit persönlichem Höhepunkt, wieder chli singe und den simmer go Füürwerk aluege :)

Nochr wieder is Huus und Mitternachtssnack und Champagner ignoo :)

Den isch scho Neujohr gsi. So schnell gots

Isch e spezielle Wiehnachtsziit gsii.. aber au sehr schö!!!


Bald isch min Ufenthalt do z Schwede fertig

I 4 Täg isch mini schwiizer Famili scho do obe und den haisst scho wieder tschüss sege..

Fühlt sich sehr komisch a..

I freu mi wieder riesig uf alles und alli i dä Schwiiz.. aber tschüss sege isch immer schwer wens aim gfallt


Vorher meldi mi aber den nomol miteme Blogg oder zwai :)

Für ais hets immer no glangt :P


Vi hörs (schwedisch: mer ghöret üs)


November

Uf de November hani mi scho immer am meischte gfreut. Wieso? Min Geburi isch im November J Da Johr isch aber de November viel schneller cho als i denkt ha. Normalerwiis zähli fascht Täg bis i endli e Johr älter wird, doch da Johr isch bum zagg scho November gsi :) De November 2008 hani aber z Prag eröffnet. Nochr bini wie schomol gsait über d Schwiz wieder uf Schwede gfloge. Und den ischs wieder losgange mit Verwandte und Bekannte treffe J z erscht het mim Hostpappa sini Muetter Geburtstag ka, den hets ghaisse käffele mit de ganze Verwandtschaft vo sebere Siite, nochr hemmer bi üs dihai Gans z nacht gesse mit ere andere Famili und en Tag vor mim Geburtstag isch di ganz Verwandtschaft vo minere Hostmamma irere Siite zu üs hai zu mim Geburtstags z nacht cho.

Und den isch de grooss, wichtigscht Tag cho. De 17. November. Min Geburtstag!! I bi am morge mit Gsang gweckt worde, den hets ghaisse Super-Geburtstags-zmorge esse, den hani mit minere Famili dihai gredt am telefon, den hets ghaisse id Schuel go und am Obig hani Training gha. Eigentli en Geburtstag wie fascht jede andere doch isch glich komisch gsi, nöd mit de richtige Famili, nöd mit de beschte Kollege und nöd im Heimatland. Trotzem hanis gnosse wie verruckt. Am 23. isch wiedermol en Kafi agsait gsi mit allne Verwandte und am 26. hemmer mit de Mannschaft de Viertelfinal im „Stockholmcup" gspilt und gwunne J (mir stönd scho im Final!!!)

Ende November isch den scho erschte Advent gsi und immerno fühlt sichs a wie wen s Johr nonig sooo alt isch. Ach die Ziit vergoot doch sooo schnell wemmer öpis neus macht und aim da so gfallt!! :) :) :)

Im nögschte Blog schriibi den wieni d Advents- und d Wiehnachtsziit erlebt han.

Bis bald :)


Oktober

De Oktober 2008 isch en monet gsi wo ganz viel sache passiert sind. Viel neui Sache aber natürli au Sache woni scho kennt han, wie s unihockey wo d Saison wiitergange isch.

De Oktober isch au de Monät gsi woni churz id Schwiz hai bi aber vo dem verzelli den spöter. Zerscht zum Afang vom Monät. Am 8.10 hemmer die Schuel e Fescht ka. S so genannte Insparken. Da passiert jedes Johr. 3. Klässler (letschte Johr) organisieret für di neue 1. Klässler e Party. Natürli ohni Alkohol will mer do in Schwede mue 18 si zum Alkohol über z cho. Die Party isch den aber au ohni Alkohol sehr luschtig gsi und i ha gad gmerkt wie viel das scho gwüsst hend dasi Ustuschschüeler bin. Vo parne siite isch es „Hello" cho.

S Wuchenend druf isch den s erschte richtig grosse Ereignis gsi. Mini Ustuschorganisation STS het für alli Ustuschschüeler wo im Moment in Schwede sind e Wuchenend organisiert. Es sind aber nöd alli de Ameldig gfolgt. Ins gesamt simmer öpe 30 Ustuschschüeler us de ganze Welt gsi (Australien, Dütschland, Amerika, Frankrich, Südafrika, Östrich, Italien, Neuseeland und Schwiz) Zuesätzlich sind au no vereinzelti schwedische Lüüt dete gsii wo voreme Johr selber Ustuschschüeler gsi sind. Die hend üs den verschiedeni Froge beantwortet. Troffe hemmer üs i de 2. gröschte Stadt vo Schwede, a de Westküste, Göteborg. Mir hends Wuchenend mitere Sightseeing gstartet, sind den au in Vergnüegigspark Liseberg gange, hend s Universeum bsuecht und hend natürli au Ziit zum shoppe und käffele ka!.

Im Oktober (17.) bini au s erscht mol i mim Lebe i de Opere gsi und ha det sogar de schwedisch König und Königin gse!!!!

Den isch wieder e Wuche Schuel agsait gsii und den hani scho Herbschtferi ka. Guet richtig Feri und entspanne isches nöd gsi J

Zerscht bini am Samschtig mit de Hostschwöschter und em Hostpaps noch Südschwede gfahre, gnauer gseit id Region Skåne. Noch öpe 7h Fahrt und amene Züschehalt simmer den im Huus vom Hostvater sim Brüeder achoo.. Döt hemmer alles igrichtet und z nacht gmacht usw. Am Obig sind den au no d hotsmuetter und di älter Schwöschter acho.

In Skåne hemmer vili verschiedeni Sache gmacht, wandere im Rege, velofahre im Rege und riite (fürs erschte mol). Eimol simmer au no so Holzskulpture am Strand go aluege.

Heigreist simmer über Dänemark, mit Zwüschestop I Kopenhagen. Döt bin den i uf de Flughafe und bi richtig Züri gfloge. Den het de Stress agfange J I bi dihai achoo, Nochbürin Salome au dihai gsi J Den hani mi mit allne unterhalte bis öpe am 2, am 7ni wieder ufgstande, mit de Schwöschter zmorge gesse, mini aint Grossmuetter go bsueche, no paar Sache go poschte, uspacke, wieder alles iipacke für as Euro Floorball Tournament in Tschechien, gesse und den wieder an Bahnhof und an Flughafe Züri. (I bi am 22.00 aacho z züri und am 15.00 wieder det am Flughafe gsi à 17h Ziit zum alles erledige. Z Tschechie simmer den aacho und hends Turnier gspilt aber da kört jo nöd i mis Tagebuech vo Schwede J Den bini wieder hai id Schwiz, det het de ganz Stress wieder vo vorne agfange J und am Mäntig 3.11 bini den am spote Nomitag wieder uf Schwede gfloge und det hail achoo.

Obwohli meeega viel z tue ka ha isches wunderschö gsi wenigschtens d Famili und paar Verwandti (Grossmüetter, Gotti, Götti) wiedermol z gse.


September

Im September hani mi scho chli iglebt ka und und ha mi au scho biz chöne verständige mit em schwedisch. I ha immer fliessig glernt mit mim Hostdad. Er het mir extra e buech kauft zum schwedisch lerne. Susch het de Monät September vor allem viel Unihockey beinhaltet. Am 14. hani müese schaffe fürs unihockey (hami nur mit schwedisch verständigt ade Kasse i de Kafeteria)

Am 24. isch den d Saison losgange. Gstartet hets gad miteme Stadtderby. Leider hemmer den da verlore obwohli gfunde ha das mir aich besser gsi sind. Jenu so goots. Eimol bini den au no mitem Trainer go en Eliteserien match luege. Au mol interessant gsi wie i dä beschte liga vo de Welt gspilt wird. Susch isch nöd sooooo viel passiert. I ha eher s gfühl ka dasi viel verpasst ha i de Schwiz. J Im September isch döt glaubs scho no chli öpis loos gsii hihi. Aber da gits jo den nögscht johr wieder. Ussert vilicht de 50igscht geburtstag vo mim mami wird sich nöd wiederhole. Nomol e grosses ENTSCHULDIGUNG zu mim mami. J

Ende September hani mi den langsam aber sicher iiglebt ka i mim neue Land.


I September hade jag redan levat in lite gran och jag kunde också prata lite lite lite svenska. Jag läsade alltid jätte seriöst med min värdspappa. Han köpte en bok för mig som hette „Rivstart". Annars var det mest innebandy som hände i september. 14. måste jag jobba för laget (pratade bara svenska på kassan i kafeterian J)

24. började säsongen. Den startade direkt med en derby mot Täby FC. Tyvärr förlårade vi men jag tyckte värkligen att vi var bättre. Jaa.. så är det. En gång kållade jag också på en Elitserienmatch med min tränare. Var väligt interesant att se hur de spelar i besta ligan i världen. Annars hände inte så många grejer i september. Jag tänkte mer att jag missade många grejer som hände hemma i schweiz. J Jag tror att det hände jätte många roliga grejer i september. Men jag ska göra det nästa år så det är ingen fara. Bara min mammas 50-årskallas ska kanske inte hända igen. Förlåt igen mamma att jag inte var där!!!


di erschte paar wuche

I dä erschte paar Wuche vo mim Ustusch hets vorallem ghaisse viiiiiiel neus kennelerne. Alles isch neu gsi, Famili, Schuel, Umgebig, Unihockey, Sproch und alli lüüt. Drum hani mi natürli zerscht mol müese a da gwöhne aber da isch aigentli zimli schnell gange. Mit de Famili isch sowiso kai problem gsi will si mir sooo viel gholfe hend, mit em unihockey isch au recht guet gange will mer jo alli öpis gmeinsam ka hend. d sproch: am afang hani aifach englisch gredt, bisi öpis verstande ha und au ha chöne rede.
So sind di erschte paar Wuche wiitergloffe. Het den ghaisse 1. Training und immer wieder neui verwandti kenne lerne.. Mir sind mit de Famili am afang no viel zu öperem uf Bsuech oder hend selber Bsuech dihai kaa.. da isch uf 2 siite guet gsii.. ha immer schwedisch köört und ha neui lüüt kenne glernt. obwohls mengisch chli z viel neui lüüt gsi sind, dasi mir nöd alles ha chöne merke :P het den paar mol d situation ge das mir öper hoi gsait het woni nöd gwüsst ha woher i die person kenn, oder dasmer öpper troffe hend mit de famili und den hends gsait waisch die hesch döt scho mol troffe und i ha kai ahnig ka :S hehe.. aber es lächle und es ahaaa jo stimmt het mi immer wieder usegrettet :P
Mit de Schuel bini gad am Afang i sone camp graist. alles sonigi wo e johr jünger gsi sind als i.. aini hani kennt well si mit mir unihockey spielt.. s wetter isch verschisse gsii :P haha.. und mir hend fascht nüt chöne mache. joo isch nöd s beschte camp gsi woni bsuecht ha.. hehe..
im 1. training hend mi alli sooooo herzlich empfange.. d halle isch zwor den gschlosse gsi und mir hend müese halle wechsle aber isch glich cool gsii :) am afang hets natürli chli komplikatione ge mit de sproch will si immer chli hend müese englisch rede. I aim vo de paar erschte training zum bispiel simmer am spiele gsi und nochr isch min block go wechsle.. den hani gad kört wie di aint zu de andere sait.. "du wie chani sege "hinderem goal" uf englisch? i waiss doch nöd wa da haisst" di ander het ire den s richtig wort gsait und bim nögschte iisatz isch si hinderem goal gstande und het i ainere luutstärchi gruefe : "BEHIND THE GOAL" mi hets fascht verjaggt ufem feld :P

joo soo chline situatione hets no viel gee und isch immer wieder luschtig gsi.. chömet ez au no mengisch kolleginne zu mir und seget.. leck bini froo dasi ez cha schwedisch mit dir rede :)


16.8.08 - THE Day

Nu ska jag skriva om dagen när jag åkte till sverige. jag ska skriva det på schweizer tyska för att det finns några släktningar eller kompisar som önskar det :) hoppas att det är ingen fara. annars kan ni bara säger så översettar jag det till svenska :)

Abflugstag
Am 16.8.08 isches den sowiit gsii. I cha mi no sehr sehr guet a dä Tag erinnere. Am Morge bini verwachet und ha genau gwüsst dasi ez den e wiili nüm i dem Bett wird verwache. Sehr e komisches Gfühl. I bi den ufgstande, mit de Famili zämäghöcklet und ha no fertig packt (natürli hani viel z viel gepäck gha). Do mini schwöschter en Match ka het genau a dem Tag, hani mi scho bald müese vo ire verabschide. Öpe am 13,00 isch den d Michelle cho und mir sind mit mine Eltere abgfahre Richtig Flughafe. Döt hemmer den d Salome, d Saara und d Gianna troffe und sogar mis Gotti isch cho!! Nochem iichecke simmer alli zämä ine Kafi ieghöcklet und hend di letschte Minute gnosse. Ha sogar Gschenkli übercho wo mi immer a die liebe Persone erinneret. Den hani müse uf de Flüger (ha fascht no müese pressiere :)) Och gott isch da schwer gsi zum go. I ha mi soooo gfreut uf Schwede aber aifach alli zrugglo und dezue ane nöd wüsse wa uf mi zuechunt isch nöd aifach gsii.
Ufm Flüger bini den nebet 2 schwedische Jäger ghocket und hami chli mit dene unterhalte zum mi ablenke. Noch öpe 2h Flug bini den sicher z Stockholm glandet (am 19.00) Mis Gepäck und vorallem min Stock sind natürli z letscht achoo und i bi scho biz nervörs worde. Woni aber usegloffe bi id Akunftshalle, hend mi scho 3 lachendi Gsichter mit eme Schild "EVELYNE" empfange. Da sind de Göran (Hostpapa), d Camilla (Hostmamma) und d Sara (jüngschts Chind) gsi. Mir sind den mit em Auto haigfahre und si hend mir scho alles möglichi erklärt und mi usgfrogt. Noch dem i mis schwer Gepäck in oberschte Stock gschlaikt han, hets Esse ge (KRABBE!!  isch aber fain gsi :)) De Tag hemmer den miteme churze Bsuech (24.00-01.00) z Stockholm amene Musikfestival abgschlosse und den bini zfride und mit viel Vorfreud uf di kommende 5 Mönet iigschlofe.

I mim negschte Blogg werdich den über di erschte paar wuche brichte!!


how did this start??

maybe some of you are asking: why did she go to sweden? why not to an other country??
so I'll tell you the story :P hehe..
I've always loved sweden.. why? sweden is THE COUNTRY for playing floorball or as it's called here innebandy. The sweds are the best and so my dream has always been going to sweden and playing in a club there. Of course I first thought I'll do this after my school career but then a family's friend did an school exchange to mexico. My first thought was "that's great, that's exactly what I wanna do". I wanted to get new experiences, experiences which I'll remember for a lifetime. But what about my favourite thing on earth (floorball)? I didn't want to stop it. So I decided to spend my exchange in Sweden. Aditionally I didn't want to do what everyone is doing and since I've been to sweden before, I knew that the combination between the big city and water is really nice. Especially in Stockholm.
So I was looking for the perfect exchange organisation. AFS, Rotary etc. but all the organisations offered only a whole year in sweden and that's not what I wanted to do. I've nearly given up my dream when I suddenly heard of the organisation STS. I filled in all the papers, met the responsible persons with my parents and I received the letter, that I'm allowed to go to Sweden in August 08. I was sooooooo glad :) :) :)
Then it was time to wait until they got the right family for me. 4 weeks before I was supposed to fly I finally got my hostfamily which is called Elinder with 6 children between 15 and 31 and a gorgeous house some minutes away from the capital of Sweden (Stockholm) It was better then I've ever dreamed!!!!
From this day I had 4 weeks time to do all the things I wanted to have done before I left, to say goodbye to all my friends, to get in contact with the hostfamily and to pack all my stuff. My leaving date was the 16.8.08 I'll write about this special day later :)

"Dagboken" - "Tagebuech"

in english because otherwise half of the visitors don't understand anything :D

16.8: Arriving in Sweden / Musicfestival
17.8: Sightseeing Stocksund
20.8: Stockholm, Architectery museum
23.8: Rosendal
24.8: Kajaking
26./27.8: Fiskeboda with VRG
31.8: Vaxholm, Nationalmuseum
6.9: Västerås with floorball-team
7.9: Stadshuset in Stockholm
13.9: Drottningsholm
24.9: First floorball-match
8.10: Insparken
11./12.10: STS WEEKEND IN GÖTEBORG (with Sightseeing, Liseberg, Universum)

17.10: Opera (Askungen - Cinderella) --- I actually met the king of sweden :P

18.10: Globen

25.10-28.10: Skåne
   
25.10: Gränna
    26.10: Hiking
    27.10: biking, horse-riding
    28.10: Nimis
29.10: Copenhagen, flight to Switzerland
30.10-2.11: Euro Floorball Tournament in Prague
3.11: Flight back to Sweden
15.11: Goose dinner :)
16.11: Birthday-dinner
17.11: BIRTHDAY
20.11: Opera: ballett
22.11: Boarder Contest (Stadion)
26.11: DM- quarterfinal
3.12: start projectweeks in school :)

11.12: Lucia in school
18.12: school-ending

19.12: DM-semifinal
20.12-3.1: winterholidays in the mountains
24.12: Christmas Eve
25.12: Christmas
31.12: New Years Eve
1.1: NEW YEAR



of course this is only a short version of all the things I've done here. As most of you already know, I'm really enjoying my time here. I'm soooooo glad that I've a nice family, a good school and a perfect floorball club. Everything is exactly as I imagined and sometimes even better :)


Min tid i Sverige - Mini Ziit z schwede

Hejhej
Jag vet att jag är jätte sent med göra en blogg om min tid här i Sverige. Men jag tänkte att det skulle ändå vara lite roligt för alla människor att se vad jag har gjort här (TACK CAROLINE) :)

Hejhej
I weiss, dasi seeeehr spot bi für en blogg z mache über mini Ziit do z schwede. Aber i ha denkt vilicht wärs glich no luschtig für alli z gse wani do so mache (DANKE CAROLINE) :)


Välkommen till min nya blogg!


RSS 2.0